Punta Cana

Hótelin sem í boði eru leggja mikla áherslu á gæði og þjónustu enda flest í 5 og 4 stjörnu flokki. Þau eru öll inni í stórum afgirtum görðum þar sem hitabeltisgróðurinn fær að njóta sín og ströng öryggisgæsla er inni á hótelunum. Þangað inn fer enginn sem ekki á erindi. Hótelin leggja mikla áherslu á heilsutengda þjónustu og alls konar dekur er í boði. Hótelin bjóða upp á allt frá vel útbúnum líkamsræktarstöðvum til gæða nudds við ströndina. Eyjan er matarkista af suðræðnum ávöxtum og landbúnaðarvörur í miklum gæðum. Fiskur og allt sjávarfang er ferskt enda stutt á miðin. 

Í boði eru þrjár skoðunar- og skemmtiferðir sem kjörið er að skella sér í. Hægt er að kynnast landi og þjóð í Safari ferðinni, upplifa ósnortna náttúrufegurð í siglingunni og heimsókninni til Saona eyjunnar og gefa sér svo lausan tauminn og dansa með í „Ball um borð“ þar sem gleðin tekur öll völd. 

Punta Cana er á mótum Karíbahafs og Atlantshafs og er þekkt fyrir hvítar sandstrendur, túrkísblátt haf og heilsulindir. Veðrið er nokkuð stöðugt allt árið og meðalhiti um 26°.  Frá nóvember til mars er hitastig á kvöldin um 20°. Mildur vindur leikur um 100 km. langa strandlengjuna og hafið er aðgrunnt með nokkrum náttúrulegum sjólaugum þar sem gestir geta baðað sig án áhættu.

Frá norðri til suðurs eru helstu strendurnar Uvero Alto, Macao, Arena Gorda, Bávaro, El Cortecito, Las Corales og Cabeza de Toro, allar austan höfuðborginnar Santo Domingo en strendurnar Cabo Engaño, Punta Cana og Juanillo liggja sunnar. Unaðsleg strandlengjan hefur lengi verið á listum yfir 10 bestu baðstrendur heims.

Punta Cana býður upp á miklu meira en frábærar strendur og hvers kyns dekur því svæðið er sniðið fyrir hið fullkomna frí innan um einstaka náttúru, laugar og lón þar sem rómantíkin blómstrar. Byrja má dagana í rólegheitum og slökun á hinni dásamlega fallegu Macao-strönd og enda kvöldið á næturklúbbi. Og þegar þú ert ekki að drekka í þig sólina eða dansa inn í nóttina spókar þú þig um dásamlega orlofsstaði Punta Cana, allt frá rafmögnuðu Hard Rock Punta Cana til friðsældar Le Sivory Punta Cana. Þegar nóg er komið af sól og sandi er upplagt að prófa zipplínu-ævintýri, sigla til Isla Saona, kanna sögu Dóminíkanska lýðveldisins í Altos de Chavon og heimsækja töfralónið í Indigenous Eyes Ecological Park. Einnig er hægt að skoða eitthvað af þjóðgörðum eyjarinnar eins og Este National Park sem er ein af helstu náttúruperlum lýðveldisins þar sem m.a. bregður fyrir Iguana eðlum, höfrungum, leðurblökum og forsögulegum hellamálverkum. Heimsókn í Este National Park getur verið kærkomin tilbreyting frá strandlífinu.